თბილისის აეროპორტში განსაკუთრებით დიდი ოდენობით ნარკოტიკი ამოიღეს – დაკავებულია 2 უცხო ქვეყნის მოქალაქე
შინაგან საქმეთა სამინისტროს ცენტრალური კრიმინალური პოლიციის დეპარტამენტისა და შემოსავლების სამსახურის საბაჟო დეპარტამენტის თანამშრომლებმა, ნარკოტიკული საშუალებების უკანონო შეძენა-შენახვისა და საქართველოში შემოტანის ბრალდებით, ორი უცხო ქვეყნის მოქალაქე დააკავეს.
თბილისის საერთაშორისო აეროპორტში ჩატარებული ბარგის შემოწმებისას ამოღებულია 1 კგ და 200 გრამი მარიხუანა და 91 ელექტროსიგარეტი, რომლებიც ნარკოტიკული ნივთიერების შემცველ სითხეს შეიცავდა.
🔍 გამოძიება მიმდინარეობს სისხლის სამართლის კოდექსის 260-ე და 262-ე მუხლებით, რაც 20 წლამდე ან უვადო თავისუფლების აღკვეთას ითვალისწინებს.