მარნეულის მუნიციპალიტეტის სოფელ ახკულაში წყალმომარაგების პროექტი მიმდინარეობს
მარნეულის მუნიციპალიტეტის სოფელ ახკულაში წყალმომარაგების ინფრასტრუქტურის მოწყობის სამუშაოები აქტიურად გრძელდება.
პროექტის ფარგლებში მოეწყობა 160-მეტრიანი ჭაბურღილი, რეზერვუარი, საქლორატორო და 3 კილომეტრზე მეტი სიგრძის შიდა წყალმომარაგების ქსელი.
პროექტი ცენტრალური და ადგილობრივი ბიუჯეტის თანადაფინანსებით ხორციელდება. სამუშაოების დასრულების შემდეგ სოფელ ახკულაში 60 ოჯახი უსაფრთხო და უწყვეტი სასმელი წყლით იქნება უზრუნველყოფილი.
