🛑 ირაკლი კობახიძე: „მიტინგის მიზანი არაკონსტიტუციურია და შეიძლება სისხლის სამართლის დანაშაულად შეფასდეს“

საქართველოს პრემიერ-მინისტრმა ირაკლი კობახიძემ 3 ოქტომბერს გამართულ ბრიფინგზე განაცხადა, რომ რადიკალური პოლიტიკური ჯგუფების მიერ 4 ოქტომბერს დაანონსებული მიტინგის მიზანი კონსტიტუციური წყობილების დამხობაა, რაც წარმოადგენს არაკონსტიტუციურ ქმედებას და მისი რეალიზების ნებისმიერი მცდელობა სისხლის სამართლის პასუხისმგებლობას იწვევს.

🔹 მისი თქმით, მიტინგი ორგანიზებულია ოპოზიციური პარტიებისა და უცხოური წყაროებიდან დაფინანსებული რადიკალური ჯგუფების მიერ.
🔹 კობახიძემ მიტინგის შესაძლო ძალადობრივ სცენარებზე გააფრთხილა და აღნიშნა, რომ მსგავსი ქმედებების ჩადენის შემთხვევაში, სასჯელი უფრო მკაცრი იქნება, ვიდრე შარშანდელ ძალადობრივ მიტინგებზე ბრალდებულებისთვის იყო.

„ნებისმიერი ძალადობრივი აქტის ჩადენის შემთხვევაში, სისხლის სამართლის კოდექსის შესაბამისად, მონაწილეებს შესაძლოა 4 წელზე მეტი თავისუფლების აღკვეთა შეეფარდოთ“, – განაცხადა კობახიძემ.