🗳️ ირაკლი კობახიძე: „საარჩევნო პროცესი იყო კონკურენტული და თვისებრივად თავისუფალი“

საქართველოს პრემიერ-მინისტრმა ირაკლი კობახიძემ 4 ოქტომბრის ადგილობრივ არჩევნებთან დაკავშირებით გამართულ ბრიფინგზე განაცხადა, რომ წინასაარჩევნო კამპანია კონკურენტული და თავისუფალი იყო როგორც ადმინისტრაციული რესურსის გამოყენებისგან, ისე მუქარისა და ზეწოლისგან.

„დღეს სრულდება საარჩევნო კამპანია და გვსურს, შევაჯამოთ წინასაარჩევნო პროცესები. როგორც მოგეხსენებათ, არჩევნებში მონაწილეობს 12 პოლიტიკური გაერთიანება, რომელთაც მიეცათ შესაძლებლობა, თავისუფლად და თანასწორ პირობებში წარემართათ საარჩევნო კამპანია. საარჩევნო პროცესი იყო კონკურენტული და თვისებრივად თავისუფალი როგორც ადმინისტრაციული რესურსის გამოყენებისგან, ისე მუქარისგან, ზეწოლისგან და ძალადობისგან.”

🔹 პრემიერის თქმით, ხვალ გასამართი არჩევნები მნიშვნელოვანია ქვეყნის თვითმმართველობის განვითარებისთვის და მოქალაქეებს მოუწოდა, აქტიურად ჩაერთონ ამ პროცესში.

„დარწმუნებული ვართ, ჩვენი თანამოქალაქეები გააკეთებენ ისეთ არჩევანს, რომელიც ჩვენს ქალაქებსა და სოფლებში პროგრესს უზრუნველყოფს“, – აღნიშნა კობახიძემ.

👉 მან მადლობა გადაუხადა ცესკოსა და სამართალდამცავებს მშვიდობიანი საარჩევნო გარემოს უზრუნველყოფისთვის.