📌 სახალხო დამცველი ანტიკორუფციული ბიუროს ხელმძღვანელს შეხვდა

2 ოქტომბერს, საქართველოს სახალხო დამცველი ლევან იოსელიანი ანტიკორუფციული ბიუროს უფროსს, რაჟდენ კუპრაშვილს შეხვდა. შეხვედრის მთავარი თემა ქვეყანაში ადამიანის უფლებებისა და თავისუფლებების დაცვის მდგომარეობა იყო.

შეხვედრაზე მხარეებმა განსაკუთრებით გაუსვეს ხაზი მამხილებელთა დაცვის მექანიზმების გაუმჯობესების, გამჭვირვალობის გაძლიერებისა და კორუფციის პრევენციის მნიშვნელობას. ასევე განიხილეს „უცხოური აგენტების რეგისტრაციის აქტისა“ (FARA) და „გრანტების შესახებ“ კანონების აღსრულების პრაქტიკული ასპექტები.

✅ მხარეები შეთანხმდნენ სამომავლოდ გააძლიერონ ინსტიტუციური თანამშრომლობა ადამიანის უფლებათა დაცვისა და კორუფციასთან ბრძოლის კუთხით.