🔴 საქართველოდან 30 უცხო ქვეყნის მოქალაქე გააძევეს

სახელმწიფო უსაფრთხოების სამსახურის-შინაგან საქმეთა სამინისტროს მიგრაციის დეპარტამენტისა და სამინისტროს შესაბამისი დანაყოფების კოორდინირებული მოქმედებების შედეგად ბოლო დღეებში საქართველოდან გააძევეს ჯამში 30 უცხო ქვეყნის მოქალაქე. გაძევებულთა შორის არიან ინდოეთის, ირანის, თურქეთის, პაკისტანის, ერაყის, ეგვიპტის, ლიბანის, მაროკოს, ფილიპინების, იორდანიის, ბანგლადეშის, კანადის, კოტ‑დიუარის და რუმინეთის მოქალაქეები.

მოქმედი კანონმდებლობის შესაბამისად მათთვის ქვეყანაში შემოსვლის აკრძალვა გაიცა.
შინაგან საქმეთა სამინისტროს მიგრაციის დეპარტამენტი პასუხს აგებს უკანონო მიგრაციის გამოვლენასა და სამართლებრივი საფუძვლის გარეშე მყოფი უცხოელების გაძევებაზე.