აჭარაში ინტერპოლის წითელი ცირკულარით ძებნილი უკრაინის მოქალაქე დააკავეს
შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, ინტერპოლის წითელი ცირკულარით ძებნილი უკრაინის მოქალაქე – 1989 წელს დაბადებული ა.კ. – ბათუმში დააკავეს.
შსს-ს ინფორმაციით, დაკავებული გერმანიისა და პოლონეთის სამართალდამცავი ორგანოების მიერ იძებნებოდა ორგანიზებული დანაშაულებრივი ჯგუფის ხელმძღვანელობისა და მიგრანტების უკანონოდ გადაყვანის ბრალდებით.
გამოძიებით დადგინდა, რომ საქართველოს საზღვარი ა.კ.-მ გადმოკვეთა იმ პერიოდში, როდესაც მასზე საერთაშორისო ძებნა ჯერ კიდევ არ იყო გამოცხადებული.
ამ დროისთვის, დაკავებულთან დაკავშირებით კანონით გათვალისწინებული საექსტრადიციო პროცედურები მიმდინარეობს.