🪄 მარნეულში, ადგილობრივი თვითმმართველობის ორგანიზებით, საახალწლო ღონისძიება გაიმართა

🎉 ღონისძიების ფარგლებში მოეწყო ადგილობრივი მეწარმეების ხელნაკეთი ნივთების გამოფენა-გაყიდვა. კონცერტში მონაწილეობდნენ მარნეულის კულტურის ცენტრთან არსებული მუსიკალური გუნდი და ინდივიდუალური შემსრულებლები. მაყურებლის წინაშე წარსდგა „დრამ სქული“ პერფორმანსით.

🎭 განსაკუთრებული ინტერესი გამოიწვია პანტომიმის თეატრის „ცოცხალი ქანდაკებების“ წარმოდგენამ, ასევე ილუზიონისტისა და ანიმატორების შოუებმა. პატარებს თოვლის ბაბუამ და სანტა კლაუსმა საახალწლო საჩუქრები დაურიგეს.

🎧 დასკვნით ნაწილში გაიმართა გალა კონცერტი დუეტ „ლეონისა“ და ჯგუფ „მიქსტურის“ მონაწილეობით. საღამო გრანდიოზული ფოიერვერკითა და DJ-ის მუსიკალური პროგრამით დასრულდა.