🔹 მარნეულში ახალგაზრდებმა პროექტი „კულტურული მრავალფეროვნება“ განახორციელეს

ახალგაზრდობის სააგენტოს მხარდაჭერით და საქართველოს ახალგაზრდული მრჩეველთა საბჭოების ასოციაციის ორგანიზებით, მარნეულის მუნიციპალიტეტის ახალგაზრდულმა მრჩეველთა საბჭომ პროექტი „კულტურული მრავალფეროვნება“ წარმატებით დაასრულა.

📌 პროექტის მიზანი იყო საქართველოს კუთხეების კულტურული მემკვიდრეობის გაცნობა და პოპულარიზაცია, ასევე ქართველ და ეთნიკური უმცირესობების წარმომადგენელ ახალგაზრდებს შორის მეგობრული ურთიერთობების გაღრმავება.

📍 შემაჯამებელ ღონისძიებას ესწრებოდნენ:

• ახალგაზრდობის სააგენტოს ხელმძღვანელის მოვალეობის შემსრულებელი ვახტანგ ბააკაშვილი
• მარნეულის მერის მოადგილე თემურ შუბითიძე
• მრჩეველთა საბჭოების ასოციაციის წარმომადგენლები

🎓 პროექტის ფარგლებში განხორციელდა სხვადასხვა საგანმანათლებლო და კულტურული აქტივობა, რომელიც ახალგაზრდების ჩართულობასა და ცნობიერების ამაღლებას ისახავდა მიზნად.