წალკის სპორტსმენები ახალგაზრდული ოლიმპიური ფესტივალის ფინალში იასპარეზებენ
2-6 ივნისს ბათუმში საქართველოს ახალგაზრდული ოლიმპიური ფესტივალის ფინალური ეტაპი გაიმართება, სადაც ქვემო ქართლის რეგიონულ ნაკრებს წალკის მუნიციპალიტეტის 5 ახალგაზრდა სპორტსმენი წარადგენს.
ღონისძიების დაწყებამდე, წალკის მუნიციპალიტეტის მერის მოადგილემ ფეოხარ პარასკევოვმა, საკრებულოს თავმჯდომარემ ირაკლი გიგინეიშვილმა და შესაბამისი განყოფილების უფროსმა მაიზერ გვინჩიანმა სპორტსმენებს საზეიმოდ გადასცეს ფორმები და წარმატებები უსურვეს.