დმანისში ბავშვთა დაცვის საერთაშორისო დღე საზეიმოდ აღინიშნა
1 ივნისს, ბავშვთა დაცვის საერთაშორისო დღესთან დაკავშირებით, დმანისის ცენტრალურ სკვერში საზეიმო ღონისძიება გაიმართა.
პროგრამის ფარგლებში ჩატარდა ბავშვთა საესტრადო სტუდია „მიქსის“ კონცერტი, ხოლო სპეციალურად მოწყობილ სივრცეში პატარებისთვის გასართობი აქტივობები მოეწყო. ბავშვების სადღესასწაულო განწყობაზე ანიმატორებმა და ზღაპრის გმირებმა იზრუნეს.
პატარებს დღესასწაული დმანისის მუნიციპალიტეტის მერის პირველმა მოადგილემ კახა პეტრიაშვილმა მიულოცა და მათ ბედნიერი, მშვიდობიანი მომავალი უსურვა.