ცნობილ ინფლუენსერს საქველმოქმედო თანხების მითვისების ბრალდებით სასამართლოში გაასამართლებენ
იტალიელი ინფლუენსერი და ბლოგერი კიარა ფერანი, რომელსაც „იტალიელ კიმ კარდაშიანს“ უწოდებდნენ და რომლის ქონება 40 მილიონ დოლარს აღწევდა, სკანდალში გაეხვა საქველმოქმედო თანხების მოტყუებით მითვისების გამო.
2022 წელს მან Balocco-სთან და Dolci Preziosi-სთან თანამშრომლობით გამოუშვა ძვირადღირებული საშობაო ნამცხვრები და სააღდგომო კვერცხები, რომლებიც აუტიზმის მქონე ბავშვებისთვის დახმარების მიზნით იყო რეკლამირებული. ანტიმონოპოლიურმა გამოძიებამ დაადგინა, რომ თანხა არასდროს გადასცემია საქველმოქმედო ორგანიზაციებს, ხოლო ფერანიმ საკუთარი მოგება მიიღო – დაახლოებით 2,2 მილიონი ევრო.
ანტიმონოპოლიურმა სამსახურმა ფერანი 1 მილიონ ევროთი დააჯარიმა, Balocco 400 000 ევროთი.
2025 წლის შემოდგომაზე მილანში სასამართლო პროცესი დაიწყო, სადაც 1 წელი და 8 თვე თავისუფლების აღკვეთა მოითხოვეს.
სკანდალის ფონზე ფერანის პირადი ცხოვრება დაინგრა – მოხდა განქორწინება, მის ქმარს ღალატი დაუმტკიცდა, ხოლო ბიზნეს იმპერია Fenice თითქმის კრახის წინაშე დადგა.
განაჩენი 2025 წლის 5 დეკემბერს იქნება გამოტანილი.
