ფინანსთა სამინისტროს შემოსავლების სამსახურს აზიის განვითარების ბანკის (ADB) მისია ეწვია
🔹 ვიზიტის მიზანი იყო საქართველო-აზერბაიჯანის ერთობლივი საერთაშორისო საავტომობილო საბაჟო გამშვები პუნქტის – „აბრეშუმის გზა – იპექ იოლუ“ პროექტის მიმდინარეობის გაცნობა და შემდგომი თანამშრომლობის გაძლიერება.
🔸 ADB-ის დელეგაციასთან ერთად, საბაჟო დეპარტამენტის ხელმძღვანელმა მიხეილ ჩოკოშვილმა გარდაბნის მუნიციპალიტეტში ახალი გამშვები პუნქტისათვის შერჩეული ტერიტორია დაათვალიერა.
🔸 შემდეგ, დელეგაცია აზერბაიჯანში გადავიდა, სადაც სამუშაო შეხვედრა გაიმართა აზერბაიჯანის საბაჟო კომიტეტის თავმჯდომარის მოადგილესთან, ფუად მამადოვთან, საბაჟო პუნქტ “სინიგ ქიორფიუში”, რომელიც მოსაზღვრეა წითელ ხიდთან.
🔹 მხარეებმა განიხილეს ერთობლივი საბაჟო პუნქტის მშენებლობის დაწყებისთვის საჭირო ეტაპები და მიღწეული პროგრესი.
💼 შეხვედრას ესწრებოდნენ:
- ADB-ის შეფასებითი მისიის ხელმძღვანელი უნურჯარგალ დალაიხუუ
- ADB-ის რეგიონული საოპერაციო მიმართულების უფროსი ანდერს პიტერსონი
- საერთაშორისო ურთიერთობათა დეპარტამენტის უფროსი სამსონ ურიდია
- საქართველოსა და აზერბაიჯანის საბაჟო ადმინისტრაციების წარმომადგენლები
პროექტის მიზანია რეგიონის სატრანზიტო პოტენციალის გაზრდა და ლოგისტიკური ურთიერთობების გამარტივება.
