შავი ზღვის დაბინძურების ფაქტი გამოვლინდა – ლიბერიის დროშის ქვეშ მცურავი გემი 100 000 ლარით დაჯარიმდა
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტისა და სასაზღვრო პოლიციის თანამშრომლებმა შავი ზღვის დაბინძურების ფაქტი გამოავლინეს.
📌 ლიბერიის დროშის ქვეშ მცურავმა გემმა ზღვა სამეურნეო წყლებით დააბინძურა, რაც გარემოსთვის 3 000 ლარზე მეტი ზიანის მიყენებას გულისხმობს.
📄 ფაქტზე შედგენილი ადმინისტრაციული სამართალდარღვევის ოქმის საფუძველზე, ფოთის სასამართლომ გემი სამართალდამრღვევად ცნო და მას 100 000 ლარიანი ჯარიმა დააკისრა.
⚖️ გემს საქართველოს ტერიტორიული წყლების დატოვებისა და თავისუფალი ნაოსნობის უფლება მხოლოდ მას შემდეგ მიეცა, რაც დაკისრებული ჯარიმა და გარემოსთვის მიყენებული ზიანის თანხა სრულად დაფარა.
✅ ზღვის დაბინძურების პრევენცია დეპარტამენტის პრიორიტეტია – მიმდინარე წელს უკვე გამოვლენილია 11 შემთხვევა, როდესაც უცხო ქვეყნის დროშის ქვეშ მცურავმა გემებმა შავი ზღვა დააბინძურეს.
