საქართველოს საპატრიარქოს საზოგადოებასთან ურთიერთობის სამსახურის განცხადება მიტროპოლიტ იობის განათლების აღიარების შესახებ

საქართველოს საპატრიარქოს საზოგადოებასთან ურთიერთობის სამსახურის ინფორმაციით, მროველ-ურბნელმა მიტროპოლიტმა იობ აქიაშვილი სასულიერო აკადემიას დიპლომის ასლის მიღების თხოვნით მიმართა, რის შემდეგაც დაიწყო შესაბამისი დოკუმენტაციის მოძიება და შესწავლა.

როგორც განცხადებაშია აღნიშნული, „თბილისის სასულიერო აკადემიამ და სემინარიამ საქართველოს საპატრიარქოს არქივში დაიწყო მასალის მოძიება. მოძიებულ მასალაზე დაყრდნობით, ასევე სრულიად საქართველოს კათოლიკოს-პატრიარქის, უწმინდესისა და უნეტარესის, ილია II-ის 2017 წლის 20 ოქტომბრის N134 ბრძანების საფუძველზე, მიმართა სასწავლებლის ბაკალავრის აკადემიური ხარისხის მიმნიჭებელ კომისიას შესაბამისი მტკიცებულებებით. აღნიშნული კომისიის სხდომა გაიმართა ამა წლის 5 მაისს, 13:00 საათზე.

კომისიამ მტკიცებულებებისა და მოწმეთა ჩვენებების საფუძველზე, აღიარა მიტროპოლიტ იობის მიერ მიღებული განათლება და მიანიჭა მას თეოლოგიის ბაკალავრის აკადემიური ხარისხი.“