საქართველოს პარამძლეოსნობის ნაკრებმა პარიზის გრან-პრიზე ასპარეზობა ოთხი მედლით დაასრულა
საფრანგეთში პარიზის გრან-პრი გაიმართა. საქართველოს პარამძლეოსნობის ნაკრებმა ერთი ვერცხლის და სამი ბრინჯაოს მედალი მოიპოვა.
მარიამ ბაქრაძემ 100 მეტრზე რბენაში ვერცხლის მედალი მოიპოვა, ხოლო 200 მეტრ დისტანციაზე ბრინჯაოს მედალს დასჯერდა; ასევე ბრინჯაოს მედალი მიიღო დავით ქავთარაძემ სიგრძეზე ხტომაში 5,41 მ შედეგით, დავით ჩანქსელიანმა კი ბრინჯაო ბირთვის კვრაში მოიპოვა.
პარასპორტსმენები ტურნირზე საქართველოს სპორტის სამინისტროს მხარდაჭერით იმყოფებოდნენ.
