შინაგან საქმეთა სამინისტროსა და საქართველოს ფინანსთა სამინისტროს შემოსავლების სამსახურის თანამშრომლებმა განსაკუთრებით დიდი ოდენობით ნარკოტიკის შემოტანის ფაქტი აღკვეთეს
სამართალდამცველებმა ორი პირი დააკავეს: ერთი – ქუთაისის საერთაშორისო აეროპორტში, ხოლო მეორე -საბაჟო გამშვებ პუნქტ სარფზე.
პოლიციამ ბრალდებულების პირადი და ხელბარგის შემოწმებისას ამოიღო განსაკუთრებით დიდი ოდენობით სხვადასხვა სახის ნარკოტიკული საშუალება და ფსიქოტროპული ნივთიერება. ასევე, ერთ-ერთი პირის ავტომობილში, სპეციალური სკანერის საშუალებით, მალულად განთავსებული 247 აბი „სუბოქსინი“ აღმოაჩინეს.
გამოძიება მიმდინარეობს საქართველოს სისხლის სამართლის კოდექსის შესაბამისი მუხლებით, რაც 20 წლამდე ან უვადო თავისუფლების აღკვეთას ითვალისწინებს.