რუსთავში განსაკუთრებით დიდი ოდენობით ამფეტამინის საქმეზე ერთი პირი დააკავეს
შინაგან საქმეთა სამინისტროს ინფორმაციით, რუსთავში განსაკუთრებით დიდი ოდენობით ნარკოტიკული საშუალების – „ამფეტამინის“ უკანონო შეძენა-შენახვისა და რეალიზაციის ხელშეწყობის ბრალდებით 1994 წელს დაბადებული, წარსულში მრავალჯერ ნასამართლევი ი.ს. დააკავეს.
🔍 სამართალდამცველებმა დაკავებულის პირადი და საცხოვრებელი ბინის ჩხრეკისას 185 შეკვრად დაფასოებული ამფეტამინი ნივთმტკიცებად ამოიღეს. ასევე ამოღებულია:
- ნარკოტიკული საშუალების დაფასოებისთვის საჭირო მასალები
- ელექტრონული სასწორი
- წებოვანი ლენტები
- პოლიეთილენის ჩამკეტიანი პარკები
⚖ გამოძიება საქართველოს სისხლის სამართლის კოდექსის 260-ე მუხლის მე-3 ნაწილისა და 260-ე კვარტა მუხლის მე-6 ნაწილის “ა” ქვეპუნქტით მიმდინარეობს.
📌 დანაშაული 20 წლამდე ან უვადო თავისუფლების აღკვეთას ითვალისწინებს.