პრემიერი: „კამიტი საერთოდ არ გამოიყენებულა – შსს-ს ეს ნივთიერება არასდროს შეუძენია“

პრემიერ-მინისტრმა ირაკლი კობახიძემ მთავრობის ადმინისტრაციაში განაცხადა, რომ „ბიბისის“ მიერ გავრცელებული ინფორმაცია ნივთიერება კამიტის გამოყენების შესახებ არის „აბსოლუტური სიცრუე“. მისი თქმით, შინაგან საქმეთა სამინისტრომ ეს ნივთიერება არასოდეს შეუძენია – „ნაციონალური მოძრაობის“ მმართველობის პერიოდშიც კი.

კობახიძის განცხადებით, განსაკუთრებით სამწუხაროა, რომ მსგავსი მასშტაბის დეზინფორმაცია გაავრცელა საერთაშორისო მედიის ერთ-ერთ წამყვანმა არხმა – „ბიბისიმ“, რომელიც ადრე მაღალი რეპუტაციით გამოირჩეოდა.

პრემიერი აღნიშნავს, რომ ტელეკომპანია ეყრდნობა მამა-შვილი ჩახუნაშვილების განცხადებებს, რაც, როგორც ის ამბობს, ადასტურებს გავრცელებული ინფორმაციის მიუღებლობას.

„რაც მოიტყუეს ‘ბიბისისთან’, ვერ მოიტყუებენ გამოძიებასთან. იქ სამართლებრივი პასუხისმგებლობა დგება. ამიტომაც უწევენ უარყოფას იმაზე, რის თქმაც მანამდე თავადვე დაიწყეს“, – განაცხადა კობახიძემ.

მისივე თქმით, საკითხზე დაწყებულია გამოძიება, ხოლო სახელმწიფოს პასუხისმგებელი უწყებები იმოქმედებენ სამართლებრივი ჩარჩოების სრული დაცვით.