ოკუპირებულ გალში, ხანძრის შედეგად დაღუპული ბავშვები საგვარეულო სასაფლაოზე დაკრძალეს
დილიდან, ენგურის ხიდის მიმდებარედ შეიკრიბნენ ოჯახის ახლო ნათესავები, ბავშვების სკოლისა და ბაღის მასწავლებლები და აღმზრდელები, რათა უკანასკნელ გზაზე გაეცილებინათ და პატივი მიეგოთ დაღუპულების ხსოვნისთვის.
დღეს, გამონაკლისის სახით, ათობით ადამიანს მიეცა საშუალება, რომ შეუფერხებლად და ზედმეტი შეზღუდვის გარეშე გადაადგილებულიყო საოკუპაციო ხაზის მიმდებარედ, გაევლო ენგური ხიდი და გადასულიყო ოკუპირებულ საბერიოში.