მარნეულის ახალგაზრდულმა საბჭომ მუნიციპალიტეტის სკოლებში სკოლის ელჩები წარადგინა
მარნეულის ახალგაზრდულმა საბჭომ მუნიციპალიტეტის სხვადასხვა სკოლაში გასვლითი შეხვედრები გამართა. შეხვედრების ფარგლებში საბჭოს წარმომადგენლები მოსწავლეებს ახალგაზრდული საბჭოს საქმიანობას, მიმდინარე პროექტებსა და სამომავლო გეგმებს აცნობდნენ.
ვიზიტების დროს თითოეულ სკოლაში ოფიციალურად წარადგინეს სკოლის ელჩები, რომლებიც ახალგაზრდებსა და საბჭოს შორის კომუნიკაციის გაძლიერებაზე იმუშავებენ. ელჩები აქტიურად ჩაერთვებიან ახალგაზრდული ინიციატივების დაგეგმვასა და განხორციელებაში, ასევე თანატოლების ინტერესებისა და იდეების გაზიარებაში.