კახეთსა და ქვემო ქართლში მცენარეული ნარჩენების წვის 3 ფაქტი გამოვლინდა
გარემოსდაცვითი ზედამხედველობის დეპარტამენტის ეკიპაჟებმა დედოფლისწყაროში, სიღნაღსა და ბოლნისში სასოფლო-სამეურნეო სავარგულებზე მცენარეული ნარჩენების უკანონო წვის 3 შემთხვევა დააფიქსირეს. სამართალდამრღვევთა მიმართ შესაბამისი დოკუმენტაცია შედგა.
👉 ნარჩენების გადაწვა იწვევს ნიადაგის დეგრადაციას, საფრთხეს უქმნის გარემოს, ბიომრავალფეროვნებასა და ინფრასტრუქტურას.
📍დადგენილი ჯარიმა 500 ლარია, თუმცა გარკვეულ შემთხვევებში ჯარიმა 1500 ლარამდე იზრდება და შესაძლოა ზიანის ანაზღაურების ვალდებულებაც დაეკისროს დამრღვევს.
გარემოსდაცვითი ეკიპაჟები 24/7 რეჟიმში პატრულირებენ ქვეყნის მასშტაბით. სამართალდარღვევის დაფიქსირების შემთხვევაში, მოქალაქეებს შეუძლიათ დარეკონ ცხელ ხაზზე – 153.