დმანისში ახალი ტურისტული ცენტრი, სვანური კოშკი და მაჩუბი შენდება

დმანისის მუნიციპალიტეტში სვანური კოშკისა და მაჩუბის სამშენებლო სამუშაოები აქტიურად მიმდინარეობს. მიმდინარე პროექტი ქვემო ქართლში სახელმწიფო რწმუნებულმა ილია ჯალაღანიამ, დმანისის მუნიციპალიტეტის მერმა კობა მურადაშვილიმა და საკრებულოს თავმჯდომარემ პაატა ყულიაშვილმა დაათვალიერეს.

პროექტის ფარგლებში შენდება 18-მეტრიანი სვანური კოშკი, რომელიც კომპლექსის მთავარი ღირსშესანიშნაობა იქნება. ასევე მოეწყობა ორსართულიანი მაჩუბი, სადაც ტრადიციული ეთნოგრაფიული სივრცე განთავსდება. ვიზიტორთა კომფორტისთვის გათვალისწინებულია ღია ფანჩატურისა და თანამედროვე სველი წერტილების მოწყობაც.

პროექტი სრულად ადგილობრივი ბიუჯეტიდან ფინანსდება და მისი ღირებულება 1 664 196 ლარს შეადგენს.

პროექტის დასრულების შემდეგ დმანისიში ახალი ტურისტული ცენტრი ამოქმედდება, რომელიც მუნიციპალიტეტში ტურიზმის განვითარებას, ვიზიტორთა რაოდენობის ზრდასა და ადგილობრივი კულტურული მემკვიდრეობის პოპულარიზაციას შეუწყობს ხელს.

მიმდინარე სამუშაოები ასევე დაათვალიერეს სახელმწიფო რწმუნებულის პირველმა მოადგილემ იოსებ ალიბეგაშვილიმ, მერის პირველმა მოადგილემ კახა პეტრიაშვილიმ და ადგილობრივი ხელისუფლების წარმომადგენლებმა.