ზოგადი განათლების რეფორმა: რეპეტიტორიუმი მე-11 კლასში და ერთ სტანდარტულ სახელმძღვანელოს პრინციპი
საქართველოს განათლების, მეცნიერებისა და ახალგაზრდობის მინისტრის, გივი მიქანაძის, განცხადებით, ზოგადი განათლების რეფორმის ფარგლებში 2027-2028 სასწავლო წლიდან მე-11 კლასში სკოლებში დაინერგება ორგანიზებული რეპეტიტორიუმი, რომელიც მოსწავლეებს მისცემს შესაძლებლობას სრულფასოვნად მოემზადონ ეროვნული გამოცდებისთვის.
მინისტრის თქმით, საკანონმდებლო ცვლილებების საფუძველზე ზოგადი განათლების საფეხურები განისაზღვრება ასე: 2026-2027 წლიდან დაწყებითი საფეხური – I–VI კლასები, საბაზო საფეხური – VII–IX კლასები, ხოლო საშუალო საფეხური – X–XI კლასები 2027-2028 წლიდან.
გივი მიქანაძემ ასევე განმარტა, რომ სახელმწიფო იღებს პასუხისმგებლობას შექმნას პრინციპი „ერთი კლასში, ერთ საგანში ერთი სტანდარტული სახელმძღვანელო“, რომლის განხორციელება 2028 წლის სექტემბრამდე დასრულდება.
ამასთან, 2026-2027 სასწავლო წლიდან საჯარო სკოლებში I–VI კლასებში სავალდებულო გახდება სასკოლო ფორმა. სკოლებში ასევე შემუშავდება ელექტრონული საკომუნიკაციო საშუალებების გამოყენების წესები, რომლებიც უზრუნველყოფს სწავლაზე ორიენტირებულ საგანმანათლებლო გარემოს.