ვახტანგ ჭიაბერაშვილმა ევროპის ახალგაზრდულ ოლიმპიურ ფესტივალზე საპრიზო ადგილი მოიპოვა

ვახტანგ ჭიაბერაშვილმა ჩრდილოეთ მაკედონიაში, სკოპიეში მიმდინარე ევროპის ახალგაზრდულ ოლიმპიურ ფესტივალზე ბრინჯაოს მედალი მოიპოვა. ქართველმა ძიუდოისტმა (-60 კგ) მესამე ადგილისთვის შეხვედრაში შვეიცარიელი ტიმეო კორი დაამარცხა.

ოლიმპიურ ფესტივალს 49 ქვეყნის 3000-ზე მეტი ახალგაზრდა სპორტსმენი ესწრება. საქართველო 36 წარმომადგენლით სპორტის ცხრა სახეობაში მონაწილეობს.