დიდი ბრიტანეთის მთავრობის რეზიდენციის კატა ლარიზე დოკუმენტურ ფილმს გადაიღებენ
დიდი ბრიტანეთის პრემიერ-მინისტრის რეზიდენციის მუდმივ მცხოვრებზე – კატა ლარიზე – ტელეკომპანია Channel 4 დოკუმენტურ ფილმს გადაიღებს. ფილმს ცნობილი კომიკოსი და მწერალი დევიდ ბადილი წაიყვანს და ის ქვეყნის კატებისადმი სიყვარულს და განსაკუთრებულად ლარის ფენომენს მიეძღვნება.
ლარი დაუნინგ სთრითის 10 ნომერში 2011 წელს მიიყვანეს – მთავრობის შენობაში თაგვების პრობლემის მოსაგვარებლად. მანამდე ის ლონდონის ცხოველთა თავშესაფარში ცხოვრობდა. მალევე მიიღო ოფიციალური წოდება – „კაბინეტის ოფისის მთავარი მეთაგვე“ (Chief Mouser to the Cabinet Office) – და მას შემდეგ უკვე 14 წელია ამ პოსტზე „მუშაობს“.
ლარიმ ექვსი პრემიერ-მინისტრი გამოიცვალა – დევიდ კამერონიდან დაწყებული, რიში სუნაკით დამთავრებული – და ბევრი ბრიტანელისთვის სტაბილურობისა და პოლიტიკური უწყვეტობის სიმბოლოდ იქცა.
სოციალურ ქსელებში ლარის ოფიციალურ ანგარიშს ასობით ათასი გამომწერი ჰყავს. მას რეგულარულად წერენ გულშემატკივრები მსოფლიოს სხვადასხვა ქვეყნიდან და უგზავნიან სათამაშოებსა და საჩუქრებს.
📺 ახალი ფილმი „David Baddiel: Cat Man“ მაყურებლებს ლარის ცხოვრებასა და მის პოპულარობაზე მოუყვება – როგორ გახდა უბრალო თავშესაფრის კატა ერთ-ერთი ყველაზე ცნობილი კატად მსოფლიოში.
