საქართველოს პროკურატურამ გიორგი გახარიას სისხლის სამართლებრივი დევნა დაიწყო

გენერალური პროკურორის გიორგი გვარაკიძის განცხადებით, ყოფილი პრემიერ-მინისტრი და ყოფილი შს მინისტრი გიორგი გახარია ბრალდებულია 2019 წლის 20-21 ივნისის მოვლენებსა და ჩორჩანას ეპიზოდთან დაკავშირებით.

პროკურატურის ინფორმაციით:

• გახარიამ 2019 წლის 20 ივნისის აქციის დროს სამართალდამცავებს დაავალა სპეციალური საშუალებების (მათ შორის რეზინის ტყვიების) ერთობლივად გამოყენება გაფრთხილების გარეშე, რის შედეგადაც ათეულობით ადამიანი დაშავდა, ორმა თვალი დაკარგა, ხუთმა – მძიმე დაზიანება მიიღო;
• 2019 წლის აგვისტოში მან, როგორც შს მინისტრმა, ჩორჩანასთან პოლიციის საგუშაგოს აღმართვაზე მიიღო გადაწყვეტილება მთავრობისა და უსაფრთხოების საბჭოს შეუთანხმებლად, რამაც პროკურატურის შეფასებით, ოკუპაციის გამწვავება და საქართველოს ინტერესების დარღვევა გამოიწვია.

გახარიას წარდგენილი აქვს ბრალდება სისხლის სამართლის კოდექსის 117-ე მუხლით (ჯანმრთელობის განზრახ მძიმე დაზიანების ორგანიზება) და 333-ე მუხლით (სამსახურებრივი უფლებამოსილების გადამეტება).

ბრალდება ითვალისწინებს 13 წლამდე თავისუფლების აღკვეთას, ხოლო პროკურატურა სასამართლოს მიმართავს პატიმრობის შეფარდების მოთხოვნით.
გამოძიება გრძელდება.