მარნეულის მერი დაურ ისმაილოვი სახალხო დამცველის აპარატის წარმომადგენლებს შეხვდა
მარნეულის მუნიციპალიტეტის მერი დაურ ისმაილოვი, მერიის სტრუქტურული ერთეულების ხელმძღვანელებთან ერთად, საქართველოს სახალხო დამცველის აპარატის წარმომადგენლებს შეხვდა.
მერიაში გამართულ გაცნობით შეხვედრაზე მხარეებმა განიხილეს ბავშვთა ზრუნვის, დელეგირებული უფლებამოსილების, ეთნიკური უმცირესობებისა და შშმ პირთა საკითხები.
შეხვედრაზე ასევე იმსჯელეს მომავალში ერთობლივი აქტივობების განხორციელებაზე და მხარეებმა გამოხატეს მზადყოფნა თანამშრომლობის გაღრმავებისთვის.
