ახალი საკანონმდებლო ინიციატივები – წლის ბოლომდე მიღების მიზნით

საქართველოს პარლამენტის თავმჯდომარე შალვა პაპუაშვილი აცხადებს:

📌 1. ყოფილი სამხრეთ ოსეთის ადმინისტრაციის გაუქმება
2006–2007 წლებში მიღებული არაკონსტიტუციური გადაწყვეტილებები, რომლებმაც რეგიონში სეპარატისტული პროცესები გააძლიერა, პარლამენტის მიერ ოფიციალურად უქმდება. ფუნქციონირებას განაგრძობენ მხოლოდ ლეგიტიმურად არჩეული დევნილთა მუნიციპალიტეტები (ახალგორი, ქურთი, თიღვი, ერედვი).

📌 2. ინსტიტუციური მოდელების კონსოლიდაცია
ანტიკორუფციული ბიურო და პერსონალურ მონაცემთა დაცვის სამსახური 2026 წლის 2 მარტიდან გადაიცემა სახელმწიფო აუდიტის სამსახურს, რაც გაძლიერებს ინსტიტუციურ დამოუკიდებლობას, აუმჯობესებს მმართველობას და ოპტიმიზაციას მოუტანს სახელმწიფო რესურსებს. ბიზნესომბუდსმენი გადადის ეკონომიკის სამინისტროსში, რაც უზრუნველყოფს სწრაფ და კოორდინირებულ რეაგირებას ბიზნესის საჭიროებებზე.

📌 3. საარჩევნო კოდექსის სრულყოფა
საარჩევნო კოდექსი გადაიხედება, დუბლირებული ნორმები მოიხსნება, პროცედურები დაზუსტდება და კოდექსი გახდება მარტივად გასაგები. არარეზიდენტი მოქალაქეები, მიუხედავად სრული საარჩევნო უფლებისა, ხმის მიცემას ქვეყნის საზღვრებში განახორციელებენ, რაც ზრდის არჩევნების მედეგობას გარე ჩარევისგან და შეესაბამება საერთაშორისო სტანდარტებს.

შალვა პაპუაშვილი ხაზს უსვამს, რომ ინიციატივები მიმართულია მმართველობის გამყარებისა, კონსტიტუციური ჩარჩოს დაცვისა და დემოკრატიული სტანდარტების გაძლიერებისკენ.