ახალგაზრდობის სააგენტო რეგიონში მცხოვრები ახალგაზრდებისთვის საგრანტო კონკურსს აცხადებს

ახალგაზრდობის სააგენტო აცხადებს საგრანტო კონკურსს – „ახალგაზრდული ინიციატივების მხარდაჭერა“, რომელიც რეგიონში მცხოვრები ახალგაზრდებისთვის ახალი შესაძლებლობების შექმნას ისახავს მიზნად.

საგრანტო კონკურსში მონაწილეობის უფლება აქვს:

რეგიონში მოქმედ ახალგაზრდულ ორგანიზაციას;

საინიციატივო ჯგუფს, რომელიც აერთიანებს რეგიონში მცხოვრებ არანაკლებ ხუთ ახალგაზრდას.

კონკურსის საერთო ბიუჯეტი შეადგენს 300 000 ლარს, ხოლო ერთი საგრანტო პროექტის მაქსიმალური დაფინანსება – 15 000 ლარს.

საკონკურსო განაცხადები მიიღება 24 მარტიდან 13 აპრილის ჩათვლით, ელექტრონულ ფოსტაზე – grants-2@youthagency.gov.ge.

კონკურსის მიზანია იმ იდეების ფინანსური რესურსით მხარდაჭერა, რომლებიც ემსახურება:

ახალგაზრდული სფეროსა და ახალგაზრდების განვითარებას;

არაფორმალური განათლების განვითარებას;

ახალგაზრდების ინტერესებისა და საჭიროებების გათვალისწინებით მათი ცნობიერების დონის ამაღლების ხელშეწყობას;

ახალგაზრდების შესაძლებლობების განვითარებას.

საგრანტო კონკურსში მონაწილეობის მისაღებად დეტალური ინფორმაცია იხილეთ ბმულზე:https://youthagency.gov.ge/sag…/akhalgazrduli-initsiativebi/