ანტიკორუფციული ოპერაცია: მარნეული, კასპი, თბილისი და ჩხოროწყუ – 4 დაკავებული და 11 პასუხისგებაში მიცემული პირი

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა საქართველოს სხვადასხვა რეგიონში ერთობლივად ჩატარებული ანტიკორუფციული ღონისძიების შედეგად გამოავლინეს 4 სხვადასხვა სისხლის სამართლის საქმე. ღონისძიების შედეგად დაკავებულია 4 პირი, ხოლო ჯამში პასუხისგებაში მიცემული 11 ადამიანი.

მოქმედებები საქმეების მიხედვით:

1️⃣ მარნეულის მუნიციპალიტეტი – შპს „ქროსფოინთის“ სარეაბილიტაციო სამუშაოებში ყალბი დოკუმენტების გამოყენებით, 2 089 154 ლარის მითვისება. საქმეზე პასუხისგებაში მიეცა 5 პირი. გზა ექსპლუატაციისთვის უვარგისია. გამოძიება მიმდინარეობს სსკ 180-ე მუხლისა და 362-ე მუხლის საფუძველზე, რაც 6–9 წლამდე პატიმრობას ითვალისწინებს.

2️⃣ კასპის მუნიციპალიტეტი – სსიპ სურსათის ეროვნული სააგენტოს თანამშრომელმა 560 ლარის სანაცვლოდ, მოქალაქის დახმარებით, დამზადა ყალბი ხორცის მოწმობები. გამოძიება მიმდინარეობს სსკ 338-ე მუხლის საფუძველზე, სასჯელი 6–9 წლამდე თავისუფლების აღკვეთას ითვალისწინებს.

3️⃣ თბილისი – ყალბი ვალუტის (7 000 აშშ დოლარი) დამზადება, შენახვა და გასაღების ფაქტი. გამოძიება მიმდინარეობს სსკ 212-ე მუხლის საფუძველზე, სასჯელი 7–10 წლამდე პატიმრობას ითვალისწინებს.

4️⃣ სამეგრელო, ჩხოროწყუ – შპს „ნიუ პასაჟის“ დირექტორი გზის ბეტონის საფარის სამუშაოებისას 254 990 ლარს დაეუფლა საზედამხედველო კომპანიის თანამშრომლების დახმარებით. გზა ექსპლუატაციისთვის უვარგისია. გამოძიება მიმდინარეობს სსკ 180-ე მუხლის საფუძველზე, სასჯელი 6–9 წლამდე თავისუფლების აღკვეთას ითვალისწინებს.

აღსანიშნავია, რომ გამოძიების ფარგლებში განხორციელდა ფარული საგამოძიებო მოქმედებები, რის შედეგადაც მოპოვებულია აუდიო და ვიდეო მტკიცებულებები დანაშაულის ჩადენის ფაქტზე.

ანტიკორუფციული სააგენტო გაგრძელებს მუშაობას კორუფციული დანაშაულების გამოვლენასა და პრევენციაზე და მკაცრად აფრთხილებს ყველას, ვინც სახელმწიფო და საზოგადოებრივი ინტერესების გაუარესებას გეგმავს.