🟢 გარემოს დაცვისა და სოფლის მეურნეობის მინისტრის მოადგილეები ბიზნესსექტორის წარმომადგენლებს შეხვდნენ – პლასტიკის ბოთლების რეგულაციაზე იმსჯელეს

გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი, მინისტრის მოადგილეები სოლომონ პავლიაშვილი და ლაშა ავალიანი ბიზნესსექტორის წარმომადგენლებს შეხვდნენ.

🔸 შეხვედრის მთავარი თემა იყო პლასტიკის ბოთლებში ჩამოსხმული სასმელის რეალიზაციის რეგულირება.

💬 სოლომონ პავლიაშვილი:
„პლასტიკის ბოთლების გამოყენების რეგულირების წესის დადგენა გარემოს დაცვის რეფორმის შემდეგი ეტაპია. ჩვენთვის მნიშვნელოვანია სექტორთან კოორდინირებული მუშაობა და ისეთი ბალანსის შექმნა, რომელიც ჯანსაღ გარემოსა და ეკონომიკურ ინტერესებს თანაბრად გაითვალისწინებს.“

📌 ინიციატივის ფარგლებში დაგეგმილია:

• საბიუჯეტო ორგანიზაციებისთვის (მათ შორის სამინისტროები, საჯარო სკოლები, ადგილობრივი თვითმმართველობები და ა.შ.)
• და სტუმარ-მასპინძლობის სექტორისთვის
  პლასტმასის ბოთლებით სასმლის შესყიდვის აკრძალვა.

🎯 ინიციატივის მიზანია პლასტიკის მოხმარების შემცირება და მდგრადი ეკოლოგიური პოლიტიკის მხარდაჭერა.