🔥 დედოფლისწყაროში ხანძარს 57 წლის კაცი ემსხვერპლა

დედოფლისწყაროში საცხოვრებელ სახლში გაჩენილ ხანძარს 57 წლის მამაკაცი ემსხვერპლა. ინფორმაციას სააგენტო „ინტერპრესნიუსი“ ავრცელებს.

მეზობლების თქმით, სავარაუდოდ, მამაკაცს ანთებული სიგარეტით ჩაეძინა, რამაც ხანძარი გამოიწვია. ცეცხლი მეზობლებმა გვიან შეამჩნიეს.

შემთხვევის დროს სახლში იმყოფებოდა დაღუპულის დედაც, რომლის გადარჩენა მოხერხდა.

მომხდარზე გამოძიება დაიწყო სისხლის სამართლის კოდექსის 188-ე მუხლით, რაც სხვისი ნივთის განზრახ დაზიანებას ან განადგურებას გულისხმობს.