⚖️ ელენე ხოშტარიას ბანერის დაზიანების ფაქტზე ბრალი წარედგინა
საქართველოს პროკურატურამ ელენე ხოშტარიას ბრალდება წარუდგინა სხვისი ნივთის განზრახ დაზიანების ფაქტზე. ინფორმაციას უწყება ოფიციალურად ავრცელებს.
🔹 გამოძიების მიხედვით, 2025 წლის 14 სექტემბერს, თბილისში, ხოშტარიამ დააზიანა პოლიტიკური პარტია „ქართული ოცნება – დემოკრატიული საქართველოს“ საარჩევნო შტაბზე განთავსებული სამი ბანერი, რამაც 570 ლარის ოდენობის ქონებრივი ზიანი გამოიწვია.
🔹 ელენე ხოშტარია 15 სექტემბერს დააკავეს. მას ბრალდება წარედგინა საქართველოს სისხლის სამართლის კოდექსის 187-ე მუხლის პირველი ნაწილით (სხვისი ნივთის დაზიანება, რამაც მნიშვნელოვანი ზიანი გამოიწვია), რაც ითვალისწინებს ერთიდან ხუთ წლამდე თავისუფლების აღკვეთას.
📍 პროკურატურა სასამართლოს ბრალდებულის მიმართ აღკვეთის ღონისძიების გამოყენებაზე კანონით დადგენილ ვადაში მიმართავს.