ჰონგ-კონგში გამართულ პრესტიჟულ საავიაციო ფორუმზე Routes Awards 2025, ბრიტანული დაბალბიუჯეტიანი ავიაკომპანია easyJet წლის საუკეთესო ავიაკომპანიად დასახელდა

ჟიურიმ განსაკუთრებული ყურადღება გაამახვილა თბილისის ახალ სტრატეგიულ მიმართულებად გამოჩენაზე.

easyJet-მა პირველი რეისი საქართველოში 2024 წლის 31 მარტს შეასრულა, და ამჟამად თბილისიდან ლონდონის, ჟენევისა და მილანის მიმართულებით კვირაში 6 სიხშირით ახორციელებს ფრენებს.

საქართველოს აეროპორტების გაერთიანების ცნობით, easyJet-ის ავიაქსელში თბილისით ინტერესის ზრდა ტურიზმის განვითარებასა და ქვეყნის საერთაშორისო პოზიციონირებას მნიშვნელოვნად შეუწყობს ხელს.