ცუდი ამინდის გამო რამდენიმე ტურისტული ობიექტი დროებით დაიკეტა
რთული მეტეოროლოგიური პირობების გამო, ვიზიტორებისთვის დროებით დაკეტილია შემდეგი ტურისტული ობიექტები: სათაფლია, ნავენახევის მღვიმე, ოკაცეს კანიონი და ოკაცეს ჩანჩქერი.
დაცული ტერიტორიების სააგენტოს ინფორმაციით, პრომეთეს მღვიმე და მარტვილის კანიონი 5 იანვრიდან ვიზიტორების მიღებას ჩვეულ რეჟიმში განაახლებს.
დაცული ტერიტორიების სააგენტო მოქალაქეებს უსაფრთხოების წესების დაცვისკენ მოუწოდებს.