შემოსავლების სამსახური „ტვ პირველის“ რეპორტაჟს დეზინფორმაციად აფასებს

📌 ფინანსთა სამინისტროს შემოსავლების სამსახური ოფიციალური განცხადებით გამოეხმაურა 2025 წლის 21 ოქტომბერს ტელეკომპანია „ტვ პირველის“ ეთერში გასულ რეპორტაჟს, რომლის მიხედვითაც „საქართველო ავტოიმპორტისთვის შავ ხვრელად არის ქცეული“. უწყება მედიას დეზინფორმაციის გავრცელებაში ადანაშაულებს და საზოგადოებაში მიზანმიმართულად არასწორი ინფორმაციის გავრცელებაზე საუბრობს.

🔍 განცხადებაში აღნიშნულია, რომ რუსეთსა და ბელარუსთან მსუბუქი ავტომობილებით ვაჭრობაზე დაწესებული საერთაშორისო სანქციები მკაცრად კონტროლდება, ხოლო ტრანზიტული ავტომობილები საბაჟო პუნქტებზე შესაბამის დოკუმენტაციას ექვემდებარება.

📊 შემოსავლების სამსახურის ინფორმაციით:

• 2,448 შემთხვევაში უარი ეთქვა საბაჟო პროცედურებზე ან ავტომობილები უკან იქნა გაბრუნებული;
• მოქმედი შეზღუდვები არ ვრცელდება ფიზიკურ პირებზე, თუ ავტომობილი პირადი მოხმარებისთვის არის განკუთვნილი;
• აქტიურია 37 რისკის პროფილი, რომელიც ავტომატურად ახდენს სანქცირებული მონაცემების იდენტიფიცირებას.

📢 უწყება მოუწოდებს მედიას, სანქციების აღსრულებასთან დაკავშირებული ნებისმიერი ინფორმაცია გადამოწმდეს პასუხისმგებელ უწყებასთან, რათა არ მოხდეს საზოგადოებაში ცრუ ინფორმაციის გავრცელება.