ქვემო ქართლსა და იმერეთში ელექტროიარაღით უკანონო თევზჭერის ფაქტები გამოვლინდა
გარემოსდაცვითი ზედამხედველობის დეპარტამენტმა ქვემო ქართლსა და იმერეთში ელექტროიარაღით უკანონო თევზჭერის რამდენიმე ფაქტი გამოავლინა.
მარნეულის მუნიციპალიტეტში, მდინარე მტკვარსა და ხრამზე მოქალაქეებმა აკრძალული მეთოდით დაახლოებით 6 კგ ხრამული მოიპოვეს, ხოლო თერჯოლაში – დაახლოებით 3 კგ სხვადასხვა სახეობის თევზი.
საქმეები სისხლის სამართლის ნიშნებს შეიცავს და შესაბამის უწყებებში გადაიგზავნა. მიმდინარე წლის პირველ სამ თვეში ქვეყნის მასშტაბით უკანონო თევზჭერის 85 ფაქტია გამოვლენილი.