ქართული მშვილდოსნობის ისტორიაში პირველად ევროპის გრან-პრის მიმდინარე ეტაპზე საქართველომ ოქროს მედალი მოიპოვა
თურქეთის ქალაქ ანტალიაში ევროპის გრან-პრის ეტაპი მიმდინარეობს.
ალექსანდრე მაჭავარიანისა და მედეა გვინჩაძის წყვილმა ევროპის გრან-პრის პირველი ეტაპის ჩემპიონობა იზეიმა, რაც ისტორიული შედეგია.
ფინალში მათ მასპინძელი თურქეთის ნაკრები დაამარცხეს. ამ შეხვედრამდე კი უკრაინის, შვეიცარიისა და უზბეკეთის ნაკრებებს მოუგეს.
მშვილდოსნები ტურნირზე სპორტის სამინისტროს მხარდაჭერით იმყოფებიან.
