უცხო ქვეყნის ორი მოქალაქე საქართველოს საზღვრის უკანონო გადმოკვეთის ფაქტზე დააკავეს
შინაგან საქმეთა სამინისტროს სასაზღვრო პოლიციის ოპერატიულ-საგამოძიებო მთავარი სამმართველოს, აღმოსავლეთის საგამოძიებო სამსახურის თანამშრომლებმა, უცხო ქვეყნის ორი მოქალაქე – 1981 წელს დაბადებული ს.ს. და 1996 წელს დაბადებული მ.ჯ. დააკავეს.
გამოძიებით დადგინდა, რომ ბრალდებულებმა სასაზღვრო-საკონტროლო პუნქტის გვერდის ავლით, აზერბაიჯანის რესპუბლიკიდან უკანონოდ გადმოკვეთეს საქართველოს სახელმწიფო საზღვარი.
გამოძიება მიმდინარეობს საქართველოს სისხლის სამართლის კოდექსის 344-ე მუხლის პირველი ნაწილით, რაც 5 წლამდე ვადით თავისუფლების აღკვეთას ითვალისწინებს.