სუს-მა ფასნამატთან დაკავშირებული გამოძიების ფარგლებში კომპანიებიდან დოკუმენტების ამოღება დაიწყო
სახელმწიფო უსაფრთხოების სამსახურის განცხადებით, სასამართლოს ათობით განჩინების საფუძველზე, გამოძიების ფარგლებში სხვადასხვა კომპანიებიდან დაიწყო სხვადასხვა ტიპის დოკუმენტების ამოღება შემდგომი საგამოძიებო მოქმედებების ჩასატარებლად.
გამოძიების დაწყების ინიციატივა პრემიერ-მინისტრმა 2025 წლის 24 დეკემბერს გაახმოვანა, როდესაც აღნიშნა, რომ საქართველოში სურსათი ევროპასთან შედარებით ძვირია მაღალი ფასნამატისა და მოგების გამო, რის შემდეგაც საგამოძიებო კომისიის შექმნა და საქმის შესწავლა დაიგეგმა.