სუს-მა ორგანიზებული ჯგუფის მიერ უკანონო შემოსავლის ლეგალიზაციის საქმეზე 8 პირი პასუხისგებაში მისცა
სახელმწიფო უსაფრთხოების სამსახურის (სუს) ანტიკორუფციული სააგენტოს ინფორმაციით, ჩატარებული ოპერატიულ-საგამოძიებო ღონისძიებების შედეგად, უკანონო შემოსავლის ლეგალიზაციის ფაქტზე ორგანიზებული ჯგუფის 8 წევრი სისხლის სამართლებრივ პასუხისგებაში მიეცა, მათგან ორის მიმართ კი ძებნა გამოცხადდება.
უწყების ცნობით, საქმე შეეხება სს „საქართველოს რკინიგზის“ ყოფილი ხელმძღვანელი პირების მიერ შექმნილ კორუფციულ სქემებს, რის შედეგადაც სახელმწიფო ქონება უკანონოდ იყო მითვისებული და მიღებულ შემოსავალს კანონიერი სახე ეძლეოდა.
გამოძიების მიხედვით, 2019–2021 წლებში განხორციელებული სქემის შედეგად ათასობით ტონა შავი ლითონი მოტყუებით იქნა დაუფლებული და შემდგომში რეალიზებული, რის შედეგადაც მიღებული თანხები ჯგუფის წევრებს შორის ნაწილდებოდა.
სუს-ის განცხადებით, საქმეზე გამოძიება გრძელდება და დანაშაულში შესაძლო მონაწილე სხვა პირების გამოვლენა მიმდინარეობს.