სურსათის ეროვნული სააგენტომ 7 კვების ობიექტის საწარმოო პროცესი შეუჩერა
სურსათის ეროვნული სააგენტოს თბილისის დეპარტამენტი განაგრძობს დედაქალაქში საზოგადოებრივი კვების ობიექტების აქტიურ შემოწმებას. 13 თებერვალს 19 ობიექტში განხორციელებული გეგმური და არაგეგმური ინსპექტირების შედეგად, 7 ობიექტზე გამოვლინდა კრიტიკული შეუსაბამობები, როგორიცაა: ინფრასტრუქტურის და გამწოვი სისტემების გაუმართაობა, ინვენტარის არასათანადო რეცხვა-დეზინფექცია, სურსათის ეტიკეტის გარეშე შენახვა და ვადაგასული პროდუქტი.
დაჯარიმებულ ობიექტებს შორის არიან:
- ი/მ მაჯეედ შაკკეერ – კაფე-ბარი (ბერძენიშვილის ქ. N4), რეგისტრაციის გარეშე, გამოვლინდა: გამწოვი სისტემის გაუმართაობა, ეტიკეტირების დარღვევა, ვადაგასული სურსათი;
- შპს „ალ ბეიქ გრილლს“ – ინდური რესტორანი (ლუბლიანას ქ. 19ა), კრიტიკული შეუსაბამობები: ზედაპირების არასათანადო რეცხვა-დეზინფექცია, გამწოვის სისტემის პრობლემები, ეტიკეტირების დარღვევა;
- „100 არაბული რესტორანი“ – სწრაფი კვების ობიექტი (გურამიშვილის გამზ. 27), რეგისტრაციის გარეშე, გამოვლინდა: გამწოვი სისტემა, ინვენტარის არასათანადო რეცხვა, ეტიკეტირების დარღვევა;
- ი/მ იაშპალ შარმა – ინდური რესტორანი (პეკინის გამზ. 31 ბ), რეგისტრაციის გარეშე, არასათანადო რეცხვა-დეზინფექცია, ეტიკეტირების დარღვევა;
- შპს „ტაი ინ თაუნ“ – კაფე-ბარი/რესტორანი (კოტე აფხაზის 17), კრიტიკული შეუსაბამობები: მღრღნელები, გამწოვის სისტემის გაუმართაობა, ეტიკეტირების დარღვევა;
- Fiesta (შპს „მდ ენთერფრაისის“) – კაფე-ბარი/რესტორანი (გიორგი სააკაძის ქ. N156), პრობლემები: ინფრასტრუქტურის და გამწოვი სისტემის გაუმართაობა, სურსათის დაბინძურების საფრთხე, ეტიკეტირების დარღვევა;
- შპს „სარეია ტრეიდინგი“ – მზა კერძების წარმოება-რეალიზაცია (პეტრე ბაგრატიონის ქ. N33), გამოვლინდა: ინფრასტრუქტურის და გამწოვი სისტემის პრობლემები, სურსათის დაბინძურების საფრთხე, ტემპერატურული რეჟიმის დარღვევა, არასათანადო რეცხვა-დეზინფექცია.
სურსათის ეროვნული სააგენტოს ინსპექტორებმა კანონმდებლობის შესაბამისად, დაჯარიმების პარალელურად, შეუსაბამობების გამოსწორებამდე შეუჩერეს აღნიშნული ობიექტების საწარმოო პროცესი.
კანონმდებლობის თანახმად, კრიტიკული შეუსაბამობა საფრთხეს უქმნის ადამიანის ჯანმრთელობას ან სიცოცხლეს. ბიზნესოპერატორს უფლებამოსილი აქვს, მითითებების შესრულების შემდეგ, სააგენტოს მიმართოს საწარმოო პროცესის გაგრძელების მოთხოვნით. განმეორებითი კონტროლი დამოწმების შემდეგ, რომ პრობლემები აღმოფხვრილია, სააგენტო კვლავ ანიჭებს საქმიანობის გაგრძელების უფლებას.