სიმდაბლე აღგვამაღლებს და სიხარულს გვმატებს – მეუფე შიოს განმარტება წმინდა იოანე ნათლისმცემლის დღესასწაულზე
სენაკისა და ჩხოროწყუს მიტროპოლიტმა, მეუფე შიომ, წმინდა იოანე ნათლისმცემლის თავისკვეთის დღესასწაულზე ისაუბრა სიმდაბლის მნიშვნელობაზე. მისი თქმით, სიმდაბლე რთული ღვაწლია, მაგრამ მისი წყალობით ადამიანი აღმაღლდება წუთისოფლის მწუხარებებზე და მოიხვეჭს სიხარულს სულიწმინდაში – ცათა სასუფევლის ნეტარების საწყისს ამ მიწიერ ცხოვრებაში.
მეუფე შიომ გაამახვილა ყურადღება, რომ სიმდაბლე ღმერთისადმი თავგანწირული სიყვარულის გამოხატულებაა და მოუწოდა ყველას, არ ეშინოდეთ სიმდაბლის, არამედ გახდნენ მისი გზის მიმდევრები.