საქართველო 2026 წელს მობილური ინტერნეტის სიჩქარით მსოფლიო რეიტინგში 14-ე ადგილზეა
Speedtest.net-ის მონაცემებით , 2026 წელს საქართველოს მობილური ინტერნეტი მსოფლიოში მე-14 ადგილზეა. ინტერნეტის საშუალო სიჩქარე საქართველოში 169,82 მეგაბიტი წამშია, რაც ევროკავშირის თითქმის ყველა ქვეყანას აჯობებს – ბულგარეთსა და დანიას გარდა.
2025 წლის დეკემბრის მონაცემებით, საქართველო უსწრებს ისეთ ქვეყნებს, როგორებიცაა ნიდერლანდები, საფრანგეთი, ესპანეთი, იტალია და შვეიცარია.
Speedtest-ის რეიტინგში პირველ ადგილზე არაბთა გაერთიანებული საამიროები, მეორეზე – კატარი, მესამეზე კი – ქუვეითი არის.