საქართველო ევროვიზიის ფინალში ვერ გადავიდა
საქართველოს წარმომადგენელი მარიამ შენგელია ევროვიზია 2025-ის მეორე ნახევარფინალში მე-10 ნომრად წარსდგა და შეასრულა სიმღერა Freedom — თავისუფლება.
მიუხედავად ემოციური შესრულებისა და სცენური დადგმისა, სადაც ერისიონის ქართველმა მოცეკვავეებმა თეთრი დროშები ააფრიალეს, საქართველო ფინალში ვერ მოხვდა.
კონკურსში 37 ქვეყანა მონაწილეობს.
14 მაისს გაიმართა პირველი ნახევარფინალი, დღეს კი – მეორე ნახევარფინალი.
კონკურსის წესების თანახმად, ფინალში გადასვლას წყვეტს მაყურებელი და არა ჟიური.
ფინალში გადავიდნენ:
- შვეიცარია – მასპინძელი ქვეყანა
- „დიდი ხუთეული“ – საფრანგეთი, გერმანია, იტალია, ესპანეთი და გაერთიანებული სამეფო;
პირველი ნახევარფინალიდან
- ალბანეთი
- ესტონეთი
- ისლანდია
- ნიდერლანდები
- ნორვეგია
- პოლონეთი
- პორტუგალია
- სან-მარინო
- შვედეთი
- უკრაინა
მეორე ნახევარფინალიდან:
- ლიეტუვა
- ისრაელი
- სომხეთი
- დანია
- ავსტრია
- ლუქსემბურგი
- ფინეთი
- საბერძნეთი
- მალტა
- ავსტრალია.
საქართველოს წარდგენილი სიმღერის კომპოზიტორია ქეთი გაბისიანი, ხოლო ტექსტი ბუკა კარტოზიას ეკუთვნის.
