საქართველოს 18 წლამდე წყალბურთელთა ნაკრებმა უკრაინა დაამარცხა
რუმინეთში მიმდინარე 18 წლამდე ევროპის ჩემპიონატზე საქართველოს ნაკრებმა პირველი გამარჯვება მიითვალა. ქართველმა წყალბურთელებმა უკრაინის ნაკრები ანგარიშით 17:8 დაამარცხეს.
საქართველოს ნაკრები D ჯგუფში ასპარეზობს, მეტოქეები არიან გერმანია, მალტა და უკრაინა. მომდევნო მატჩი გუნდისთვის 20 აგვისტოს მალტასთან გაიმართება.