„საქართველოს გაზის ტრანსპორტირების კომპანია“ უკანონო გაზსადენის დაერთებების შესახებ განცხადებას ავრცელებს

საქართველოს გაზის ტრანსპორტირების კომპანია ოფიციალურ განცხადებას ავრცელებს, სადაც განმარტავს, რომ ქვეყნის მასშტაბით მაგისტრალური გაზსადენების უმკაცრესი ინსპექტირება და მონიტორინგი უწყვეტ რეჟიმში მიმდინარეობს, რათა დროულად იქნას გამოვლენილი უკანონო დაერთებები და ინფრასტრუქტურული დარღვევები.

როგორც კომპანიის მიერ გავრცელებულ ინფორმაციაშია აღნიშნული,
📅 2025 წლის 9 სექტემბერს, ფინანსთა სამინისტროს საგამოძიებო სამსახურმა კომპანიას აცნობა, რომ გორის მუნიციპალიტეტის სოფელ ბერბუკში, შპს „საური“-ს ტერიტორიაზე კუსტარულად მოწყობილი გაზგასამართი სადგური ფუნქციონირებდა.

🔍 ინფორმაციის მიღებისთანავე კომპანია დაუყოვნებლივ გადაერთო საგურამო-ვაყის მონაკვეთზე რეაგირებაზე — ადგილზე მობილიზდა პირადი შემადგენლობა და სპეცტექნიკა, რომელთა დახმარებითაც ბერბუკიდან დაახლოებით 3 კილომეტრში კიდევ ერთი უკანონო ობიექტი იქნა აღმოჩენილი.
კერძოდ, ადგილზე აღმოჩნდა:

• გაზის შემკრები ცისტერნები
• წნევის მარეგულირებლები
• მაღალი წნევის მილები, რომლებიც უკავშირდებოდა შპს „საური“-ს მილსადენს უკანონო დაერთების გზით.

📌 ძებნა-კვლევითი სამუშაოების ფარგლებში ასევე აღმოჩნდა კიდევ ერთი უკანონო დაერთება 700 მმ-იან მაგისტრალურ გაზსადენზე, რომელიც დასავლეთ საქართველოს ბუნებრივი აირით ამარაგებს.

🔎 კომპანია აცხადებს, რომ აგრძელებს მუდმივ ინსპექტირებას და ექსპლუატაციის კონტროლს, რათა მსგავს ფაქტებზე დროული რეაგირება განხორციელდეს.

🤝 ამავდროულად, კომპანია აქტიურად თანამშრომლობს სამართალდამცავ ორგანოებთან, რათა დარღვევებზე შესაბამისი რეაგირება განხორციელდეს და არც ერთი ფაქტი არ დარჩეს დაუსჯელი.