ჟორჟ მიქაუტაძე ვილიარეალში: „ბავშვობიდან ვოცნებობდი ლა ლიგაში თამაშზე“
საქართველოს ნაკრებისა და ეროვნული ლიგის ერთ-ერთი გამორჩეული ფეხბურთელი, ჟორჟ მიქაუტაძე, კარიერის ახალ ეტაპს ლა ლიგის კლუბში – ვილიარეალში იწყებს. ფეხბურთელის თქმით, მისთვის ეს ტრანსფერი დიდი გამოწვევაა და ამავდროულად, ოცნების ახდენაც.
„მადლობა ყველას, ვინც ვილიარეალის მხრიდან ჩემი ტრანსფერის განხორციელებაში შეიტანა წვლილი. ვილიარეალმა ჩემ სანაცვლოდ რეკორდული თანხა გადაიხადა, მაგრამ ყოველთვის ვამბობ, რომ მიყვარს უმაღლესი მიზნებისთვის ბრძოლა და მინდა, ეს ნდობა გავამართლო“, – განაცხადა მიქაუტაძემ.
ფეხბურთელი უკვე მოუთმენლად ელოდება მოედანზე დაბრუნებას და აცხადებს, რომ ესპანური სტილი მის საფეხბურთო თვისებებს იდეალურად ერგება.
„ბავშვობიდან ვადევნებდი თვალს ესპანეთის ჩემპიონატს და ვოცნებობდი, ოდესმე აქ მეთამაშა. ვფიქრობ, ჩემი საფეხბურთო თვისებები ესპანურ ფეხბურთში გამომადგება. ყოველთვის ვცდილობ ჩემი შესაძლებლობების მაქსიმუმი ვაჩვენო და არც ეს სეზონი იქნება გამონაკლისი“.
მიქაუტაძემ განსაკუთრებით აღნიშნა იმ ქართველების გავლენა, რომლებიც უკვე ასპარეზობდნენ ლა ლიგაში – მათ შორის გიორგი მამარდაშვილის სახელს გამოყოფს და დარწმუნებულია, რომ მომავალში ესპანურ კლუბებში კიდევ არაერთ ქართველს ვიხილავთ.
„აქ თამაშობდა მამარდაშვილი და ასევე დარწმუნებული ვარ, რომ მომავალში ესპანურ კლუბებში კიდევ არაერთი ქართველი ფეხბურთელი მოხვდება“.