პროგრამას „ქართული ბოსტნეული სათბურებიდან“ 113 ბენეფიციარი ჰყავს
გარემოს დაცვისა და სოფლის მეურნეობის სამინისტროს სოფლის განვითარების სააგენტოს პროგრამას – „ქართული ბოსტნეული სათბურებიდან“, რომელსაც 2024 წლიდან ახორციელებენ, 113 ბენეფიციარი ჰყავს.
პროგრამის ფარგლებში, სასათბურე მეურნეობების მოწყობის მიზნით, კომერციული ბანკების მიერ გაცემულია 20 მილიონ ლარზე მეტი სესხი – ჯამურად 23 ჰექტარ ფართობზე.
სოფლის განვითარების სააგენტო ბენეფიციარებს სესხის საპროცენტო განაკვეთს სრულად უნაზღაურებს 24 თვის განმავლობაში. პროგრამის მიზნობრივ მოთხოვნათა შესრულების შემდეგ კი, ბენეფიციარებს სესხის 30% დამატებითი დაფინანსების სახით დაუბრუნდებათ.
